კომპანიის პროფილის რეგისტრაცია ჩვენს პლატფორმაზე მაქსიმალურად მარტივი და სწრაფია. პროცესის წარმატებით დასასრულებლად მიყევით ამ ნაბიჯებს:

1. საიტის მთავარ გვერდზე, ზედა მარჯვენა კუთხეში დააჭირეთ ღილაკს „რეგისტრაცია“.

2. აირჩიეთ პროფილის ტიპი: „დამსაქმებელი“.

3. შეიყვანეთ თქვენი სამუშაო ელ-ფოსტა და სასურველი პაროლი.

4. რეგისტრაციის ღილაკზე დაჭერის შემდეგ, თქვენს მიერ მითითებულ ელ-ფოსტაზე მომენტალურად მიიღებთ დასტურის წერილს.

5. გახსენით წერილი და დააჭირეთ შიგნით არსებულ აქტივაციის ლინკს.

ლინკზე გადასვლისთანავე თქვენი ელ-ფოსტა დადასტურდება, რის შემდეგაც შეძლებთ შეხვიდეთ სისტემაში, შეავსოთ კომპანიის შესახებ ძირითადი ინფორმაცია და დაუყოვნებლივ დაიწყოთ პირველი ვაკანსიის განთავსება.

ახალი ვაკანსიის განსათავსებლად საჭიროა გაიაროთ ავტორიზაცია და შეხვიდეთ თქვენს პირად კაბინეტში. პროცესი შედგება შემდეგი მარტივი ნაბიჯებისგან:

1. კაბინეტში შესვლა: შედით თქვენს პროფილში და პირად კაბინეტში აირჩიეთ ღილაკი „ვაკანსიის განთავსება“.

2. პაკეტის შეძენა: თუ თქვენს ანგარიშზე ჯერ არ გაქვთ აქტიური პაკეტი, სისტემა ავტომატურად შემოგთავაზებთ თქვენთვის სასურველი ტარიფის არჩევასა და შეძენას.

3. პაკეტის გააქტიურება: გადახდის დასრულების შემდეგ, თქვენი კუთვნილი პაკეტი პროფილზე აისახება 12 საათზე ნაკლებ დროში.

4. ვაკანსიის შევსება: როგორც კი პაკეტი გააქტიურდება, თქვენს კაბინეტში გაიხსნება ფორმა, სადაც შეძლებთ მარტივად შეავსოთ ვაკანსიის დეტალები (პოზიციის დასახელება, აღწერა, მოთხოვნები) და გამოაქვეყნოთ ის საიტზე.

დიახ, ჩვენს პლატფორმაზე ვაკანსიის გამოქვეყნება ფასიანია. ჩვენს მომხმარებლებს ვთავაზობთ სხვადასხვა ტიპის პაკეტებს, რომლებიც მორგებულია როგორც მცირე, ისე მსხვილი კომპანიების მოთხოვნებსა და ბიუჯეტზე.

თითოეული პაკეტის დეტალური პირობების, ფუნქციებისა და მიმდინარე ფასების სანახავად, გთხოვთ, ეწვიოთ ჩვენს სპეციალურ გვერდს: „პაკეტები“, სადაც შეძლებთ შეარჩიოთ თქვენთვის ყველაზე ხელსაყრელი ვარიანტი.

თუ თქვენს პროფილზე პაკეტი უკვე შეძენილი და გააქტიურებულია, ვაკანსიის დადასტურებას 12 საათზე ნაკლები დრო სჭირდება.

აქტივაციის სიჩქარე დამოკიდებულია დღის მონაკვეთსა და საიტის მიმდინარე დატვირთვაზე — ხშირ შემთხვევაში ვაკანსია საიტზე თავსდება შევსებიდან 30 წუთში, თუმცა მაქსიმალური მოლოდინის დრო, გარკვეულ შემთხვევებში, შესაძლოა რამდენიმე საათი იყოს. როგორც კი ჩვენი გუნდი გადაამოწმებს განაცხადს, ვაკანსია მომენტალურად გახდება აქტიური სამუშაოს მაძიებლებისთვის.

ვაკანსიის განთავსების შემდეგე შეტყობინებას მიიღებთ პროფილში მითითებულ მეილზე.

ვაკანსიის აქტიურობის ხანგრძლივობა დამოკიდებულია თქვენს მიერ არჩეულ პაკეტზე:

• ყველა პაკეტი: ვაკანსია აქტიური რჩება 30 კალენდარული დღის განმავლობაში.

უფრო დეტალური ინფორმაციის ნახვა შეგიძლიათ ჩვენს გვერდზე „პაკეტები“. გარდა ამისა, თქვენს პირად კაბინეტში, კონკრეტულ პაკეტთან ყოველთვის მკაფიოდ არის მითითებული, თუ რამდენი ხნით განთავსდება ვაკანსია და რამდენი ლიმიტი გაქვთ დარჩენილი შეძენილი პაკეტიდან.

კანდიდატებს თქვენს ვაკანსიაზე გამოხმაურება ორი გზით შეუძლიათ:

1. პლატფორმის საშუალებით: კანდიდატები საიტის ფუნქციონალის გამოყენებით ავტომატურად გამოაგზავნიან თავიანთ CV-ებს, რომელთა ნახვაც ნებისმიერ დროს შეგეძლებათ თქვენს პირად კაბინეტში, შესაბამისი ვაკანსიის განყოფილებაში.

2. პირდაპირი კომუნიკაციით: გარდა ამისა, კანდიდატებს აქვთ შესაძლებლობა, პირდაპირ დაგიკავშირდნენ და თქვენს მიერ მითითებულ საკონტაქტო ელ-ფოსტაზე ინდივიდუალურად გამოგზავნონ შეტყობინებები და რეზიუმეები.

VIP“ და „ელიტ“ არის სპეციალური სტატუსის მქონე ვაკანსიები, რომლებიც განკუთვნილია თქვენი განცხადებების მაქსიმალური ეფექტურობისა და მეტი კანდიდატის მოსაზიდად.

თუ რით განსხვავდება ეს სტატუსები სტანდარტული განცხადებებისგან, როგორ ხდება მათი ვიზუალური გამოყოფა საიტზე და რა დამატებითი პრივილეგიები აქვთ მათ (მაგალითად: პოზიციონირება ძიების სათავეში, სოციალურ ქსელებში გაზიარება ან მთავარ გვერდზე გამოჩენა), დეტალურად არის აღწერილი ჩვენს გვერდზე „პაკეტები“.

კანდიდატების მოსაძებნად და მათთან დასაკავშირებლად შეგიძლიათ გამოიყენოთ ჩვენი ბაზა:

1. გადადით კანდიდატების გვერდზე და სასურველი ფილტრების (სფერო, გამოცდილება, რეგიონი, ენები) მეშვეობით მარტივად შეარჩიეთ თქვენთვის საინტერესო პროფილები.

2. სასურველი კანდიდატის პროფილზე გადასვლისას, თქვენთვის ხელმისაწვდომი გახდება მისი დეტალური რეზიუმე და საკონტაქტო მონაცემები (ტელეფონის ნომერი ან ელ-ფოსტა).

3. მიღებული საკონტაქტო ინფორმაციის გამოყენებით, თქვენ შეძლებთ პირდაპირ დაუკავშირდეთ კანდიდატს, მისწეროთ ან მიიწვიოთ იგი გასაუბრებაზე თქვენთვის მოხერხებული ფორმატით.

ინვოისისა და გადახდის საბუთის მისაღებად საჭიროა მიჰყვეთ შემდეგ ნაბიჯებს:

1. თქვენს პირად კაბინეტში აირჩიეთ სასურველი პაკეტი და დააჭირეთ გადახდის ღილაკს.

2. ეკრანზე გამოჩნდება სპეციალური საინვოისო ველები, სადაც უნდა შეიყვანოთ თქვენი კომპანიის რეკვიზიტები (დასახელება, საიდენტიფიკაციო კოდი და ა.შ.).

3. ველების შევსებისა და დადასტურების შემდეგ, სისტემა ავტომატურად გენერირებულ ინვოისს მომენტალურად გამოგიგზავნით იმ ელ-ფოსტაზე, რომელიც რეგისტრაციისას გამოიყენეთ.

4. მნიშვნელოვანია: ბანკის საშუალებით გადახდის შესრულებისას, დანიშნულებაში აუცილებლად მიუთითეთ მიღებული ინვოისის ნომერი. ეს ჩვენს გუნდს დაეხმარება, მაქსიმალურად სწრაფად და მარტივად დაადასტუროს თქვენი გადახდა და გაგიაქტიუროთ კუთვნილი პაკეტი.